राज्यातील 'या' भागात पावसाची शक्यता
मुंबई : अरबी समुद्रानंतर आता बंगालच्या उपसागरात कमी दाबाचा पट्टा निर्माण होण्याची शक्यता व्यक्त करण्यात येत आहे. यामुळे राज्यासह देशातील हवामानावर परिणाम होत आहे. परिणामी येत्या काही दिवसात पुन्हा एकदा पावसाची हजेरी पाहायला मिळेल. मुंबईसह राज्यातील अनेक जिल्ह्यात अवकाळी पाऊस होऊ शकतो. कोकण किनारपट्टी भागातही मेघगर्जनेसह पावसाची शक्यता आहे. मुंबई, पुणे, सांगली, सातारा, कोल्हापूर या भागात पाऊस पडण्याची शक्यता आयएमडीने वर्तवली आहे.
